Варус Администрација

Во срцето на оваа интервенција лежи принципот на реконструкција и реупотреба Проектот го прифаќа предизвикот на ревитализација, менувајќи го постоечкиот надворешен изглед како и просторната конфигурација со додавање на нов кат. Наместо уривање и повторна изградба, проектот се потпира на постојната структура, зачувувајќи ја вложената енергија и минимизирајќи го влијанието врз животната средина. Оригиналната фасада, која се одликува со застарената естетика од 1980-тите, е повторно замислена преку смел но префинет архитектонски јазик. Чисти линии и сложена асиметрична композиција го дефинираат новиот надворешен изглед, создавајќи динамичен визуелен ритам преку кој се одликува карактерот на самата компанија. Оваа трансформација не е само естетска. Архитектонската интервенција служи како катализатор за организациски промени, симболизирајќи реорганизација во структурата и културата на компанијата. Додавањето на нов кат, изведено со лесен систем од челични панели ја намалува тежината на објектот и овозможува оваа интервенција да избегне структурни промени во постоечката бетонска конструкција.