Mак Аутостар

Новопроектираниот „Деловен центар“ за MAK AUTOSTAR DOOEL ги надминува границите на конвенционалната комерцијална архитектура прифаќајќи симболична тријада: земја, воздух и вода, како водечки принципи. Овој концептуален рамковен пристап, произлезен од етиката на брендот Mercedes-Benz, ја втемелува зградата во поетска игра помеѓу природата и современоста, одржливоста и прецизноста. Отпечатокот на Деловниот центар, со димензии од приближно 70 на 25 метри по својата хоризонтална маса, поетски ѝ се враќа на природата преку зелен покрив во форма на градина. Воздухот, како архитектонски елемент, се изразува преку систем на внатрешни атриуми кои ја пробиваат зградата со светлина и вентилација. Овие празнини, со вкупна површина од речиси 100 м², не само што служат како пасивни регулатори на околината, туку и ја обликуваат просторната идентичност. Флуидноста на идентитетот на Mercedes кулминира со импресивна рецепција-аквариум. Како транспарентен разделувач помеѓу два простора, водата oвозможува претопување на светлината, го оживува влезното искуство и нуди симболична јасност. Двојната намена, автосалон и канцелариски простори за изнајмување, наметна просторен јазик кој е истовремено флексибилен и прецизен. Вертикалната комуникација е организирана околу централно скалишно јадро инспирирано од геометријата на логото на Mercedes, кое ја прицврстува ориентацијата и естетскиот ритам на секој кат. Ова јадро поддржува динамичен систем на фоајеа, додека дополнителните скали и лифтови овозможуваат флуидно движење по должината на зградата.